Voleıboldan Ulttyq lıgadaǵy áıelder komandalary arasynda XIX Qazaqstan chempıonaty Almatyda bastalady
ALMATY. 14 jeltoqsan. QazAqparat /Erlik Erjanuly/ - Almatydaǵy Oktıabr Jarylqapov atyndaǵy sport zalynda 15-20 jeltoqsan kúnderi Ulttyq lıgadaǵy áıelder komandalary arasynda XIX Qazaqstan chempıonatynyń 1-týry ótedi.
Oǵan Almaty ("Jetisý"), Pavlodar ("Ertis-Qazhrom"), Qaraǵandy ("Qaraǵandy") oblystary men Astana ("Astana"), Almaty ("Almaty"), Temirtaý ("Metallýrg AMT") qalalarynyń voleıbolshylary qatysady. Bul el birinshiliginde aınalym júıesi boıynsha jarysqa komandalary qatysatyn qalalarda 6 týr ótedi. Byltyrǵy el birinshiligi "Jetisý, "Almaty", "Ertis-Qazhrom" jáne "Astana" komandalary arasynda ótken bolatyn.
