Voleıboldan Ulttyq lıgadaǵy áıelder komandalary arasynda el chempıonatynyń 3-shi týry bastaldy

Jarystyń alǵashqy kúni pavlodarlyqtar («Ertis-Qazhrom») men «qaraǵandylyqtar», «astanalyqtar» men «almatylyqtar» ózara kúsh synasady. Alǵashqy 2 týrda «Ertis-Qazhrom» men «Qaraǵandy» bir-bir alma-kezek 3:0 esebimen utqan. «Astana» bolsa qos saıysta da «Almatydan» 3:1, 3:0 esebimen basym túsken bolatyn. Al alǵashqy 2 týrdyń qorytyndysy boıynsha 8 oıynda birde-bir jeńilistiń aşy dámin tatpaı, 23 upaımen týrnır kestesinde kósh bastap kele jatqan taldyqorǵandyqtar («Jetisý») búgin jupsyz qalyp otyr. Asqar Shalqıbekov jattyqtyratyn «Jetisý» 2011 jylǵy 9 aqpannan beri el chempıonatynda jeńilissiz kele jatyr. Bul komanda sapynda Alena Omelchenko, Tatıana Pıýrova, Darıa Kozlova, Olga Nasedkına, Olga Soboleva, Korınna Ishımtseva, Irına Shenberger, Marına Storojenko, Ekaterına Tatko, Aleksandra Isaeva, Lıýdmıla Anarbaeva, Olga Drobyshevskaıa sııaqty sportshylar óner kórsetpek.

Jalpy el chempıonatynyń 3-shi týry bastapqyda Astanada ótedi dep josparlanǵan bolatyn. Alaıda, «Astana» voleıbol klýby ony óz alańynda emes Şýchınskide ótkizýge ótinish bildirgen soń ǵana bul jarys osynda jalǵasyp otyr. Ol 29-y kúni aıaqtalatyn bolady.