Voleıboldan Ulttyq lıgadaǵa áıelder komandalary arasyndaǵy 5 týrdy kóshbasshylar sátti bastady
ALMATY. 29 naýryz. QazAqparat /Erlik Erjanuly/ - Astanadaǵy «Everest» sport kesheninde Ulttyq lıgadaǵy áıelder komandalary arasynda voleıboldan Qazaqstan chempıonatynyń 5-týry ótip jatyr.
Jarystyń alǵashqy kúni týrnır kestesindegi úzdik úshtik qarsylastaryn aıqyn basymdyqpen utty. Atap aıtqanda Almaty oblysynyń «Jetisý» komandasy Temirtaý qalasynyń «Metallýrg AMT», Pavlodar oblysynyń «Ertis-Qazhromy» Almaty qalasynyń «Almaty» komandasyn 3:0, al qaraǵandylyqtar astanalyqtardy 3:1 esebimen utty. Búgin endi «Jetisý» men «Ertis-Qazhrom», «Almaty» men «Qaraǵandy» jáne «Metallýrg AMT» men «Astana» voleıbolshylary kezdesedi.
El chempıonatynda buǵan deıingi 4 týrdyń qorytyndysy boıynsha úzdik úshtikke «Jetisý» (39 upaı), «Ertis-Qazhrom» (33 upaı), «Qaraǵandy» (33 upaı) komandalary engen bolatyn. Ózge komandalar olardan aıtarlyqtaı artta kele jatyr. Máselen astanalyqtardyń qorjynynda - 29 upaı, al almatylyqtarda - 25, temirtaýlyqtarda - 21 upaı bar. 28 naýryzda bastalǵan 5-týr oıyndary 2 sáýirde aıaqtalady. Jalpy el chempıonaty aınalym júıesi boıynsha 6 týrdan ekenin eskersek, týrnır kestesiniń ekinshi jartysyndaǵy komandalardyń kóshbasshylardy qýyp jetýi qıyn bolmaq.
