Voleıboldan Ulttyq lıgada el chempıonatynyń 3-týry pavlodarlyqtar úshin sátsiz ótýde
ALMATY. 21 qańtar. QazAqparat /Erlik Erjanuly/ - Voleıboldan Ulttyq lıgadaǵy áıelder komandalary arasynda Astanada ótip jatqan HH Qazaqstan chempıonatynyń 3-týrynda Pavlodar oblysynyń «Ertis-Qazhromy» taǵy da upaı joǵaltty.
Olar keshe ózderin ókshelep kele jatqan Qaraǵandy oblysynyń («Qaraǵandy») sportshylaryna 0:3 esebimen oısyraı utyldy. Alǵashqy 2 týrdyń qorytyndysy boıynsha 2-orynda kele jatqan pavlodarlyqtar qazir óz ornyn astanalyqtarǵa bosatyp berdi. Endi búgin almatylyqtarmen («Almaty»), al erteń temirtaýlyqtarmen («MetallýrgAMT») bolatyn 2 oıynda taǵy da upaı joǵaltatyn bolsa týrnır kestesinde 4-orynǵa túsip qalýy múmkin.
Qazir óz qorjynyn «Jetisý» - 48, «Astana» - 34, «Ertis-Qazhrom» - 29, «Qaraǵandy» - 25, «Almaty» - 16, «Metallýrg AMT» - 13, «Shyǵys-QorǵasynQurylys» 6 upaıǵa jetkizdi. Olardyń ishinde bul týrda tek óskemendikter ǵana birde-bir upaıǵa qol jetkize almady. Al upaı jınaý jaǵynan jetisýlyqtar alda kele jatyr. Almaty oblsynyń sportshylary áli birde-bir ret jeńilistiń aşy dámin tatqan joq.
