Voleıboldan Ulttar kýbogy: Qazaqstan mańyzdy kezdesýde Irandy qapy qaldyrdy

ASTANA. KAZINFORM – Vetnam astanasy Hanoı qalasynda voleıboldan áıelder quramalary arasynda ótip jatqan AVC Ulttar kýbogynda Qazaqstan tórtinshi jeńisine qol jetkizdi.

Qazaqstandyqtar bul joly óz tobynda Iran quramasymen sheberlik baıqasty.

Osynyń aldynda ırandyqtar Fılıppın komandasyn 3:2 esebimen jeńip, ońaı shaǵylatyn jańǵaq emes ekenin kórsetken edi.

Qazaqstan quramasynyń bas bapkeri Rıshat Gılıazýtdınov bastapqyda Sana Anarqulova (kapıtan), ıÝlııa ıAkımova, Tatıana Nıkıtına, Margarıta Belchenko, Sánııa Balaǵazınova, baılanystyrýshy Naılıa Nıgmatýllınaǵa senim artty. Lıberolar Sábıra Bekisheva men Tomırıs Saǵymbaeva da oıynǵa qosylyp otyr.

Alǵashqy eki partııada qazaqstandyqtar aıqyn basymdylyqpen jeńiske jetti – 25:14, 25:18. Alaıda úshinshi sette ırandyqtar shabýylda da, qorǵanysta da shıraq qımyldap, 8:3, 11:3 esebimen qarsylasynan uzap ketken. Osy kezde alańǵa Perızat Nurbergenova men Dınara Razaqberlına shyqty. Qazaqstandyqtar tarazy basyn teńestirip qana qoımaı, 22:19 esebimen kambek jasaýdyń sál-aq aldynda bolǵan. Alaıda sol keremet múmkindigin paıdalana almady – 22:25.

Tórtinshi partııada esep 0:5 bolǵan mezette Sana Anarqulova jaraqat alyp qaldy. Soǵan qaramastan qazaqstandyqtar namysty qoldan bermeı, jeńisti julyp aldy – 26:24. Qorytyndy esep – 3:1.

Osylaısha, Qazaqstan quramasy upaı sanyn 12-ge jetkizdi. Endi Fılıppınmen bolatyn erteńgi sheshýshi oıynda 2:3 esebimen utylsa da, V tobynan birinshi orynmen jartylaı fınalǵa shyǵady.

Eske sala keteıik, budan buryn voleıboldan Ulttar kýbogynda Qazaqstan quramasynyń Indonezııadan aılasyn asyrǵanyn jazǵan bolatynbyz.