Voleıboldan Ulttar kýbogy: Qazaqstan quramasy Indonezııadan aılasyn asyrdy

ASTANA. KAZINFORM — Vetnam astanasy Hanoı qalasynda voleıboldan áıelder quramalary arasynda ótip jatqan AVC Ulttar kýbogynda Qazaqstan jeńisti jolyn jalǵastyrdy.

Qazaqstan quramasy búgin V tobynda Indonezııa komandasymen alańǵa shyqty.

Bas bapker Rıshat Gılıazýtdınov Mońǵolııamen ótken oıynda óner kórsetken voleıbolshylarǵa senim artty.

Alǵashqy eki partııada Qazaqstan quramasy (kapıtany Sana Anarqulova) aıqyn basymdylyq kórsetti – 25:17, 25:12.

Úshinshi partııa barysynda ındonezııalyqtar tarazy basyn teńestirgenimen, qazaqstandyqtar matchty sátti túıindeı bildi – 26:24. Jalpy esep – 3:0.

Osylaısha, qatarynan úsh básekede jeńiske jetken Qazaqstan óz tobynda kósh bastap keledi.

R.Gılıazýtdınovtiń shákirtteri 11 maýsymda Iranmen sheberlik baıqasady. 12 maýsymda toptaǵy sheshýshi kezdesýin Fılıppın quramasymen ótkizedi.

Eske sala keteıik, budan buryn voleıboldan Ulttar kýbogynda Qazaqstannyń ekinshi jeńisine qol jetkizgenin jazǵan bolatynbyz.