Voleıboldan Ulttar kýbogy: Qazaqstan ekinshi jeńisine qol jetkizdi

ASTANA. KAZINFORM — Vetnam astanasy Hanoı qalasynda voleıboldan áıelder quramalary arasynda ótip jatqan qurlyqtyq AVC Ulttar kýbogy jarysynda Qazaqstan komandasy Mońǵolııamen sheberlik baıqasty.

Birinshi partııada Rıshat Gılıazýtdınovtiń shákirtteri des bergen joq – 25:14. Alaıda ekinshi sette kútpegen jerden ese jiberdi – 24:26. Al úshinshisinde qarymta qaıyrdy – 25:18.

Tórtinshi sette Mońǵolııa quramasy 9:4 esebimen alǵa shyqqanymen, qazaqstandyq qyzdar tarazy basyn teńestirip qana qoımaı, matchty jeńispen túıindedi – 25:15. Jalpy esep – 3:1.

Komanda kapıtany, Oral voleıbolynyń túlegi Sana Anarqulova nátıjeli oıyn órnegin kórsete bildi. Sondaı-aq ıÝlııa ıAkımova, Margarıta Belchenko, Perızat Nurbergenova, baılanystyrýshy Naılıa Nıgmatýllına, Sánııa Balaǵazınova, Tatıana Nıkıtınalardy atap ótýge bolady. Lıberolar Sábıra Bekisheva, Tomırıs Saǵymbaeva alma-kezek alańǵa shyǵyp otyrdy.

Osylaısha, qatarynan eki jeńiske qol jetkizgen Qazaqstan quramasy V tobynda kósh bastady.

Erteń qazaqstandyqtar Indonezııa komandasymen alańǵa shyǵady. 

Eske sala keteıik, budan buryn Qazaqstan áıelder quramasynyń voleıboldan Ulttar kýbogyn jeńispen bastaǵanyn jazǵan bolatynbyz.