Voleıboldan "Taıland hanshaıymy kýbogy" halyqaralyq týrnıriniń irikteý kezeńinde "A" tobyndaǵy barlyq kezdesý 3:0 esebimen aıaqtaldy
ALMATY. Maýsymnyń 14-i. QazAqparat /Erlik Erjanuly/ - Voleıboldan Taılandtyń Nakhonkrateshsıma (Nakhonratchasima) qalasynda ótip jatqan "Taıland hanshaıymy kýbogy" XV halyqaralyq týrnıriniń shırek fınalynda qazaqstandyq qyzdar erteń perýlik qurbylarymen saıysqa túsedi,
dep habarlaıdy QazAqparat QR Voleıbol federatsııasyna silteme jasap.
Maýsymnyń 11-i kúni bastalǵan bul týrnırde el namysyn Taldyqorǵannyń "Jetisý" komandasy qorǵap jatyr. Nellı Şerbakovanyń shákirtteri irikteý kezeńinde "A" tobynda synǵa tústi. Olar aldymen Indonezııany (25:19, 25:15, 25:11), odan keıin Taıpeı (25:12, 25:13, 25:17) men Taılandty (25:16, 25:18, 30:28) 3:0 esebimen oısyrata utty. Búgin komandalar bir kún tynyǵyp, erteń shırek fınaldyq kezdesýlerin ótkizedi. Onda "jetisýlyqtar" Perýdiń jastar quramasymen kúsh synasady. Olar irikteý kezeńinde alǵashqy oıynda Vetnam sportshylarynan (0:3) utylyp, al ekinshi oıynda úndistandyqtardan (3:0) basym túsken bolatyn.
