Voleıboldan Ortalyq Azııa chempıonaty: Nepaldy utqan Qazaqstan besinshi oryndy qanaǵat tutty
ASTANA. KAZINFORM — Pákstannyń Islamabad qalasynda voleıboldan erler komandalary arasynda Ortalyq Azııa chempıonatynda Qazaqstan quramasy sońǵy kezdesýin ótkizdi.
Buǵan deıin Sergeı Trıkoz jattyqtyratyn qazaqstandyq voleıbolshylar Nepaldy ǵana utyp, qalǵan tórt oıynda jeńilip qalǵan edi.
Barlyǵy alty komanda qatysqan jarysta jartylaı fınalǵa shyǵa almaǵan Qazaqstan quramasyna 5-oryn úshin Nepalmen synǵa túsýine týra keldi.
Bul match 3:0 (25:18, 27:25, 25:20) esebimen Qazaqstannyń paıdasyna sheshildi.
Osylaısha, el quramasy besinshi oryndy qanaǵat tutty.
Atalmysh dodada júldeli oryndardy Pákstan, Ózbekstan, Bangladesh jáne Shrı-Lanka quramalary sarapqa salady.
Eske sala keteıik, budan buryn voleıboldan Ortalyq Azııa chempıonatynda Qazaqstan tartysty oıynda Bangladeshke ese jibergenin jazǵan edik.
