Voleıboldan Ortalyq Azııa chempıonaty: Qazaqstan tartysty oıynda Bangladeshke ese jiberdi
ASTANA. KAZINFORM — Pákistannyń Islamabad qalasynda voleıboldan erler komandalary arasynda Ortalyq Azııa chempıonatynda Qazaqstan quramasy úshinshi oıynyn ótkizdi.
Sergeı Trıkozdyń shákirtteri bul joly Bangladeshke qarsy keldi.
Bes setke sozylǵan tartysty oıynda Bangladesh quramasy 3:2 (20:25, 25:21, 25:23, 21:25, 15:12) esebimen basym tústi.
Osylaısha, Qazaqstan quramasynyń úsh kezdesýi de osyndaı eseppen aıaqtaldy. Munyń aldynda qazaqstandyqtar Nepaldy utsa, sodan keıin Ózbekstanǵa jol berdi.
Endi Qazaqstan 26 shildede Shrı-Lankamen, dúısenbi kúni Pákstanmen oınaıdy
Eske salaıyq, budan buryn voleıboldan Ortalyq Azııa chempıonatynda Qazaqstan tartysty matchta Nepaldy utqanyn jazǵan edik.
Sondaı-aq Qazaqstan voleıbol quramalarynyń Azııa oıyndaryndaǵy qarsylasy anyqtaldy.
