Voleıboldan Ortalyq Azııa chempıonaty: Qazaqstan tartysty matchta Nepaldy utty
ASTANA. KAZINFORM — Pákistannyń Islamabad qalasynda voleıboldan erler komandalary arasynda Ortalyq Azııa chempıonatynda Qazaqstan quramasy alǵashqy kezdesýin ótkizdi.
Sergeı Trıkoz jattyqtyratyn qazaqstandyqtar Nepalmen matchta tabandylyq tanytyp, jeńisti julyp aldy.
Qazaqstan komandasy bastapqy eki partııada 25:19, 25:21 esebimen basymdylyq tanytty.
Úshinshi sette qazaqstandyqtar birneshe matchboldy paıdalana almady — 32:34. Tórtinshi partııa Nepaldyń enshisine jazyldy — 25:19. Degenmen sheshýshi, besinshi sette qazaqstandyq oıynshylar múmkindigin jibergen joq — 15:9.
Qazaqstan voleıbol federatsııasynan málim etkenindeı, Aýǵanstan quramasynyń qatyspaýyna baılanysty jarys kestesine ózgerister engizildi.
Osylaısha, 23 shildede Qazaqstan Ózbekstanmen, 24-inde Bangladeshpen, 26-synda Shrı-Lankamen, 27-sinde Pákstanmen alańǵa shyǵady.
Týrnır reglamentine sáıkes alty komandanyń tórteýi jartylaı fınalǵa shyǵyp, chempıonat júldelerin sarapqa salady.
Eske salaıyq, budan buryn voleıboldan Ortalyq Azııa chempıonatyna qatysatyn Qazaqstan quramasy anyqtalǵanyn jazǵan edik.
