Voleıboldan QR Prezıdenti kýbogy úshin ótken halyqaralyq týrnırde Úndistan quramasy jeńimpaz atandy
ALMATY. 27 tamyz. QazAqparat /Erlik Erjanuly/ - Búgin Almatyda Balýan Sholaq atyndaǵy sport saraıyn dúbirletken voleıboldan QR Prezıdenti kýbogy úshin ótken halyqaralyq týrnır óz máresine jetti.
Bıyl 18-shi ret uıymdastyrylǵan bul básekege 7 elden 8 komanda qatysty. Iran men Qazaqstannyń jastar quramasy arasyndaǵy kezdesý 3:1 esebimen qonaqtardyń paıdasyna sheshildi. Al ózge oıyndar 3:0 esebimen aıaqtaldy. Onda Týnıs sportshylaryn oısyrata utqan Úndistan quramasy týrnır jeńimpazy atandy. Al Qazaqstannyń ulttyq quramasy 3-shi oryn úshin bolǵan synda reseılik «Fakel» klýbyna ese jiberdi. Týrnırde týnıstik Gaabı Ichem «Eń nátıjeli oıynshy», Andar Taýergı «Úzdik lıbero», qazaqstandyq Dmıtrıı Gorbatkov (Qazaqstan-1)«Úzdik qabyldaýshy», úndistandyq Navın Radja Iakob «Eń baǵaly oıynshy», reseılik Maksım Panteleımonenko «Úzdik shabýylshy», belarýstyq Sergeı Býsel «Úzdik tosqaýylshy» atalymdary boıynsha erekshelendi.
