Voleıboldan klýbtar arasyndaǵy álem chempıonaty ótpeıtin boldy
NUR-SULTAN. QazAqparat - Voleıboldan 2020 jylǵy klýbtar arasyndaǵy álem chempıonaty ótpeıtin boldy. Bul týraly Halyqaralyq voleıbol federatsııasynyń resmı saıtynda habarlanǵan dep jazady Olympic.kz.
Mundaı sheshimdi qabyldaýǵa koronavırýs indeti sebep bolyp otyr.
«COVID-19 indetine baılanysty, sondaı-aq, memleketter shekarasynyń ashylmaýy men kórermenderdiń zalǵa jiberilmeýine oraı FIVB 2020 jylǵy týrnırdi ótkizbeý týraly sheshim qabyldady. Uıym barlyq voleıbolshylardyń densaýlyǵyna jaýapty bolǵandyqtan, 2020 jyldyń qazanynan bastap kelesi jylǵa týrnılerge ótinim qabldaı bastaıdy», - delingen habarlamada.