Voleıboldan Qazaqstannyń U19 quramasy Álemdik doda joldamasyna baq synap kóredi
ASTANA. QazAqparat - 29 maýsym kúni Irannyń soltústik-batysyndaǵy Tebrız qalasynda 18 jasqa deıingi erler arasynda voleıboldan 12-shi Azııa chempıonaty ótedi, dep habarlaıdy QazAqparat olympic.kz silteme jasap.
Bul dodada 18 qurama baq synaıdy: Aýstralııa, Gonkong, Úndistan , Iran, Qazaqstan, Katar, Qytaı, Koreıa, Malaızııa, Jańa Zelandııa, Oman, Pákistan, Qytaılyq Taıbeı, Taıland, Túrikmenstan, Ózbekstan, Shrı-Lanka jáne Japonııa.
Komandalar reıtıngisine sáıkes úsh quramadan 6 topqa bólingen. Bizdiń qurama 30 maýsym kúni Úndistanmen, 1 shilde kúni Omanmen oınaıdy.
Esterińizge sala keteıik, qurlyq birinshiligi U19 sanatyndaǵy 2019 jyly ótetin álem chempıonatyna irikteý bolyn sanalady. Álemdik doda joldamasyn azııalyq týrnırdiń úzdik tórt komandasy ıelenedi.
