Voleıboldan Qazaqstannyń erler jáne áıelder quramalary qarsylastaryn oısyrata jeńdi
ALMATY. QazAqparat - Almatyda voleıboldan erler jáne áıelder arasynda Shaqyrý kýbogyna Qurlyqtyq irikteý týrnıri ótip jatyr. Onyń alǵashqy kezeńinde qazaqstandyq sportshylar aıqyn basymdyqpen jeńiske jetti, dep habarlaıdy QazAqparat tilshisi.
Búgin Balýan Sholaq atyndaǵy sport saraıynda Qazaqstan men Avstralııa áıelder quramalary kezdesti. Matchta qazaqstandyq sportshylar 3:0 esebimen jeńiske jetti. 
Al erler dodasynda Qazaqstan men Pákistan ózara kúsh synasty. Alǵashqy sette qazaqstandyqtar 18:25 esebimen jeńiliske ushyrady. Biraq úzilis kezinde es jıǵan parket ıeleri qarsylastaryn 3:1 esebimen tize búktirdi.
20 mamyr kúni Qazaqstannyń erler jáne áıelder quramalary Qytaı Taıpeıiniń quramalarymen kezdesedi.
