Voleıboldan Qazaqstannyń erler quramasy Azııa oıyndarynda 9-oryn úshin Pákistanmen synǵa túsedi
ALMATY. 22 qarasha. QazAqparat /Erlik Erjanuly/ - Qytaıdyń Gýanchjoý qalasynda ótip jatqan Azııa oıyndarynda voleıboldan Qazaqstannyń erler quramasy keshe 9-12 oryndar úshin ótken jarysta Taıpeı sportshylarynan 3:2 esebimen basym tústi.
Buǵan deıin olar alǵashqy kezeńde óz toptarynda 3-4 oryn alǵan komandalarmen birge birge 9-16 oryndar úshin ótken dárejelik saıystarda Kýveıt (3:1) pen Mıanma (3:0) quramalarynan basym túsken edi. Erteń endi Gennadıı Parshınniń tálimgerleri 9-oryn úshin aqtyq kezdesýin pákistandyq qurdastarymen ótkizbek. Al alǵashqy kezeńde óz toptarynda 1-2 oryn alǵan komandalardyń aqtyq oıyndary 24 qarasha kúni ótedi. Onda 13 qarashada jalaýy kóterilgen XVI Azııa oıyndarynyń jeńimpazy men júldegerleri anyqtalady.
