Voleıboldan Qazaqstannyń áıelder quramasy sońǵy oqý-jattyǵý jıynyn Qytaıda ótkizbek
ALMATY. 23 shilde. QazAqparat /Erlik Erjanuly/ - Voleıboldan Qazaqstannyń áıelder quramasy Álemdik Gran-prı jarysynyń 1-kezeńindegi sońǵy oqý-jattyǵý jıynyn ótkizý úshin keshe Almatydan Qytaıdyń Nandjjıng qalasyna attanyp ketti.
Bas bapker Baqytjan Baıtóreevtiń tálimgerleri onda jergilikti komandalarmen joldastyq kezdesý ótkizedi. Odan keıin Álemdik Gran-prı jarysynyń 1-kezeńindegi toptyq saıysyn ótkizý úshin Lýohe qalasyna attanady. "D" tobynda baq synaıtyn qazaqstandyqtar alǵashqy oıynyn 5-tamyzda qytaılyqtarmen ótkizedi. Kelesi kúnderi AQSh pen Serbııa sportshylarymen saıysqa túsedi. Odan keıin olar 2-kezeńdi 12-14 tamyzda Almatyda jalǵastyrady. Onda qazaqstandyqtar "F" tobynda Italııa, Brazılııa jáne Taıland quramalarymen kúsh synasady. Sondaı-aq 19-21 tamyzda Gongongtaǵy 3-kezeń synynda "І" tobynda Qytaı, Polsha jáne Domınıkan sportshylarymen kezdesedi. Al kezeńdik jarystyń aqtyq oıyndary 24-28 tamyzda Qytaıdaǵy Makoada bolmaq.
