Voleıboldan Qazaqstannyń áıelder quramasy Prezıdent Kýbogynda reseılik «Ýralochkany» talqandady
ASTANA. 26 maýsym. QazAqparat - Pavlodarda ótip jatqan Prezıdent Kýbogy úshin jarysta qazaqstandyq voleıbolshy qyzdar reseılik «Ýralochkany» oısyrata jeńdi.
Bul týraly Vesti.kz . jazyp otyr.
Kezdesý 3:0 esebimen aıaqtaldy. Aıta keteıik, bul elimizdiń birinshi quramasynyń atalmysh jarystaǵy ekinshi jeńisi. Keshe qazaqstandyq voleıbolshylar belarýs qarsylastaryn 3:2 esebimen tize búktirgen bolatyn.
Bul rette, keshe Belarýs 0:3 esebimen qytaılyq «Lıaonınge» ese jiberse, elimizdiń ekinshi quramasy osyndaı eseppen ázerbaıjandyq sportshylardan basym tústi. Búgin, elimizdiń osy komandasy «Lıaonınmen» baq synassa, al Qazaqstannyń alǵashqy quramasy Ázerbaıjannyń ókilderimen kezdesedi.
