Voleıboldan Qazaqstannyń áıelder quramasy Azııa oıyndarynyń alǵashqy kezeńin sátti ótkizýde
ALMATY. 22 qarasha. QazAqparat /Erlik Erjanuly/ - Gýanchjoýdaǵy XVI Azııa oıyndaryndyń alǵashqy kezeńinde voleıboldan Qazaqstannyń áıelder quramasy keshe kezekti jeńisine qol jetkizdi.
Nellı Şerbakova jattyqtyratyn qazaqstandyqtar bul joly úndistandyqtardy 3:0 esebimen (25-18; 25-9; 25-10) oısyrata utty. Búgin olar aqyrǵy oıynyn Japonııa quramasymen ótkizedi. Jeńilissiz kele jatqan bul eki komandanyń kezdesýinen keıin "V" tobyndaǵy kóshbasshy anyqtalady.
Qazaqstandyqtar buǵan deıin Maldıvy men Úndistannan kelgen qurdastarynan - 3:0, taıpeılikterden - 3:1, al Soltústik Koreıa voleıbolshylarynan 3:2 esebimen basym túsken edi. Japondyqtar bolsa koreıalyqtardy, úndistandyqtardy, maldıvııalyqtardy 3:0, al taıpeılikterdi 3:2 esebimen utty.
