Voleıboldan Qazaqstannyń áıelder quramasy Azııa oıyndarynda 1-8 oryndarǵa talasady
ALMATY. 23 qarasha. QazAqparat /Erlik Erjanuly/ - Qytaıdyń Gýanchjoý qalasynda ótip jatqan XVI Azııa oıyndarynda Voleıboldan Qazaqstannyń áıelder quramasy alǵashqy kezeńniń qorytyndysy boıynsha óz tobynda úzdik shyqty.
Nellı Şerbakova jattyqtyratyn qazaqstandyq voleıbolshy qyzdar Japonııa, Taıpeı, Úndistan, Maldıvy jáne Soltústik Koreıa voleıbolshylarymen birge V tobynda óner kórsetken bolatyn. Barlyq oıynda mereıi ústem bolǵan bizdiń komanda endi 1-8 oryndar úshin talasýǵa múmkindik alyp otyr. Negizgi kezeńdegi alǵashqy oıynyn olar erteń A tobynda 4-oryn alǵan Mońǵolııa sportshylarymen ótkizedi.
Jalpy 18 qarashada bastalǵan bul dúbirli dodanyń aqtyq oıyndary senbide bolady.
