Voleıboldan Qazaqstannyń áıelder quramasy Álem chempıonatyna qatysady
ALMATY. Qazannyń 12-si. QazAqparat /Erlik Erjanuly/ -Búgin Almatyda voleıboldan Nellı Şerbakova jattyqtyratyn Qazaqstannyń áıelder quramasy Álem chempıonaty qarsańyndaǵy sońǵy oqý jattyǵý jıynyn bastady.
Ol qazanyń 17-sine deıin sozylmaq. Bas bapker bul jıynǵa Sana Jarlaǵasova, Lıýdmıla Anarbaeva, Natalıa Jýkova, Olga Nasedkına, Korınna Ishımtseva, Olesıa Arslanova, Elena Ezaý, Marına Storojenko, ıÝlııa Kýtsko, Irına Zaıtseva, Inna Matveeva, Olga Drobyshevskaıa, Irına Lýkomskaıa men Alena Omelchenkony shaqyryp otyr. Qazannyń 29-y men qarashanyń 14-i aralyǵynda Japonııada ótetin bul dúbirli dodaǵa komanda kapıtany Tatıana Pıýrova densaýlyǵyna baılanysty qatysa almaıdy. Qosymsha medıtsınalyq tekserý nátıjesi boıynsha Tatıananyń XVI Azııa oıyndarynda da komandalastarynyń oıynyna kómektese almaıtyny málim bolyp otyr.
Japonııaǵa qazaqstandyqtar qazannyń 19-y kúni attanbaq. Álem chempıonatynyń birinshi kezeńinde 24 eldiń komandasy 4 topqa bólinip qazannyń 29-y men qarashanyń 3-i aralyǵynda Tokıo, Hamamatsý, Matsýmoto jáne Osaka qalalarynda ózara saıysqa túsedi. Qazaqstandyqtar "S" tobynda AQSh, Kýba, Germanııa, Taıland jáne Horvatııa quramalarymen birge Matsýmota qalasynda synǵa túsedi. Ekinshi kezeń qarashanyń 6-10 kúnderi Tokıo men Nagoııada jalǵasady. Al jartylaı jáne aqtyq oıyndar qarashanyń 13-14-i kúnderi Tokıoda bolady.
