Voleıboldan Qazaqstan ulttyq quramasy ІІ Azııa kýbogy jarysyna qatysady
ALMATY. Shildeniń 29-y. QazAqparat /Erlik Erjanuly/ - Voleıboldan Qazaqstannyń ulttyq quramasy tamyzdyń 1-7 aralyǵynda Irannyń Ýrýmı qalasynda ótetin ІІ Azııa kýbogy jarysyna qatysady, dep habarlaıdy QazAqparat.
Búgin Túrkııanyń Antalııa qalasynda sońǵy oqý jattyǵý jıynyn ótkizgen qazaqstandyq voleıbolshylar Iranǵa attanady. Bas bapker Gennadıı Parshın bul jarysqa qatysatyn ulttyq quramanyń tizimin jarııalady. Olar - Marat Imanǵalıev, Dmıtrıı Gorbatkov, ıÝrıı Stýlov, Anton ıÝdın, Aleksandr Stolnıkov, Vıtalıı Mıronenko, Nodırhan Qadyrhanov, Vıtalıı Erdshteın, Ivan Rýsapetov, Oleg Verıgın, Vıtalıı Vorıvodın, Sergeı Kýznetsov pen Maksım Mamedov. Onda N. Parshınniń shákirtteri irikteý kezeńinde Japonııa, Koreıa jáne Avstralııa sportshylarymen birge V tobynda synǵa túsedi. Al A tobynda Iran, Qytaı, Taıpeı jáne Indonezııa voleıbolshylary saıysady. Qazaqstandyqtar alǵashqy oıynyn avstralııalyqtarmen ótkizbek. Jarstyń shırek fınaldyq oıyndary tamyzdyń 5-inde, jartylaı jáne aqtyq oıyndary tamyzdyń 6-7 kúnderi bolady.
