Voleıboldan Qazaqstan sýperkýbogynyń ıegeri atanǵan komandalar belgili boldy
NUR-SULTAN. QazAqparat – Voleıboldan erler jáne áıelder arasynda Qazaqstan sýperkýbogynyń ıegerleri belgili boldy, dep habarlaıdy QazAqparat tilshisi.
Qazaqstan voleıbol federatsııasy málim etkenindeı, Tarazda áıelder arasynda sýperkýbok úshin Óskemenniń «Altaıy» men el chempıony «Jetisý» (Taldyqorǵan) komandalary talasty.
Munyń aldynda el kýbogy úshin ótken sheshýshi kezdesýde Qazaqstan ulttyq quramasynyń múshesi Sana Anarqulova bastaǵan óskemendikter taldyqorǵandyqtardan 3:2 esebimen basym túsken edi.
Bul joly «Altaı» qarsylasyn 3:0 (25:16, 25:13, 25:23) esebimen úsh partııada utyp, sýperkýbok ıegeri atandy.
Óskemen klýbynyń namysyn qorǵaıtyn Danıtsa Radınkovıch matchtyń úzdik oıynshysy atandy.
Erler arasynda Óskemende ótken sýperkýbok úshin oıynda el chempıony almatylyq «Býrevestnık» pen «Atyraý» komandalary alańǵa shyqty. Munyń aldynda atyraýlyqtar
el kýbogy úshin jarysta úzdik atanǵan edi.
Bul joly almatylyqtar atyraýlyqtardy 3:0 (25:16, 25:19, 25:17) esebimen tize búktirip, sýperkýbokqa ıe boldy.
Almatylyq Nodırhan Qadyrqanov kezdesýdiń úzdik oıynshysy atandy.
