Voleıboldan Qazaqstan quramasy Azııa chempıonatynyń shırek fınalyna shyqty
ASTANA. QazAqparat - Indonezııalyq Sýrabaıada erler komandalary arasynda voleıboldan ótip jatqan Azııa chempıonatynda Qazaqstan quramasy shırek fınalǵa shyqty, dep habarlaıdy QazAqparat tilshisi.
«A» tobynda synǵa túsip jatqan otandastarymyz sońǵy toptyq kezeńiniń soǵy oıynynda Saýd Arabııasymen synǵa túsip, qarsylastaryn 3:0 esebimen utyp, shırek fınalǵa joldama aldy.
Jalpy Qazaqstan quramasy qatarynan úsh jeńiske qol jetkizip, 7 upaı enshiledi. Sondaı-aq, shırek fınalǵa Qazaqstan quramasynan bólek, taǵy Ońtústik Koreıa, Japonııa, Iran, Qytaılyq Taıpeı jáne Qytaı quramalary joldama aldy.
Shırek fınalǵa shyqqan segizinshi qurama Indonezııa - Katar arasyndaǵy matchtan keıin anyqtalady.
Esterińizge sala keteıik, Qazaqstan quramasy týrnırdiń birinshi matchynda partııa boıynsha 2:0 esebimen Katar komandasyn utsa, ekinshi oıynda alań ıeleri Indonezııamen kezdesip, qarsylastaryn 3:2 esebimen jeńgen bolatyn.
