Voleıboldan Qazaqstan quramasy Fılıppındegi jarystyń fınalyna joldama aldy

MANILA. KAZINFORM - Fılıppın astanasy Manıla qalasynda voleıboldan áıelder komandalary arasynda ótip jatqan «AVC shaqyrý kýbogi» týrnırinde Qazaqstan quramasy fınalǵa joldama aldy.

Qazaqstandyq qyzdar jartylaı fınalda alań ıeleri – Fılıppın komandasymen synǵa tústi.

Qazaqstan quramasy qarsylasyn 3:0 (25:23, 25:21, 25:14) esebimen utty.

Ekinshi jartylaı fınalda Vetnam komandasy Aýstralııany 3:0 (25:21, 25:19, 25:16) joldan taıdyrdy.

Osylaısha, Qazaqstan men Vetnam sońǵy básekede «Segizdik fınalyna» beriletin jalǵyz joldamany sarapqa salady. Toptyq básekede qazaqstandyqtar Vetnam qyzdaryna 1:3 esebimen ese jibergen edi. Endi Rıshat Gılıazýtdınov shákirtteriniń qarymta qaıtaratyndaı múmkindigi bar.

Eske sala keteıik, budan buryn voleıboldan Qazaqstan quramasy Fılıppındegi týrnırdiń jartylaı fınalyna shyqqanyn jazǵan bolatynbyz.