Voleıboldan Qazaqstan kýbogynyń shırek fınaldyq oıyndarynda ázirge 2 komanda ǵana jeńilissiz kele jatyr
ALMATY. Qazannyń 5-i. QazAqparat /Erlik Erjanuly/ - Búgin voleıboldan Taldyqorǵanda ótip jatqan áıelder komandalary arasyndaǵy Qazaqstan kýbogynyń shırek fınaldyq oıyndarynda jeńilissiz kele jatqan eki komanda ózara kezdesedi.
Qazannyń 2-si kúni "Órken" sport kesheninde jalaýyn kótergen bul baıraqtyt básekege Almaty oblysynyń «Jetisý», Pavlodar oblsynyń «Ertis-Qazhrom» jáne Almatynyń «TsSKA Almaty», Astananyń «Astana», Qaraǵandynyń «Qaraǵandy», Óskemenniń «Shyǵys-QorǵasynQurylys», Temirtaýdyń «Metallýrg» komandalary qatysýda. Alǵashqy úsh kúnniń qorytyndysy boıynsha jarys qojaıyndary men qaraǵandylyq voleıbolshylar eshkimnen jeńilgen joq. Atap aıtqanda «Qaraǵandy» komandasy temirtaýlyqtar men óskemendikterden 3:1, almatylyqtardan 3:0 esebimen basym tústi. Al jarystyń alǵashqy kúni demalys alǵan jetisýlyqtar pavlodarlyqtardy 3:1, astanalyqtardy 3:0 esebimen utty. Búgin endi jeńimpaz 2 komanda ózara kúsh synasatyn bolady. Jalpy Qazaqstan kýbogynyń shırek fınaldyq oıyndary qazannyń 8-ine deıin sozylmaq. Onda úzdik shyqqan 4 komanda aqtyq synda kezdesedi.
