Voleıboldan Qazaqstan Kýbogynyń alǵashqy kezeńindegi birinshi oıynda almatylyq qos komandanyń biri utyp, ekinshisi utyldy
ALMATY. Qyrkúıektiń 13-i. QazAqparat /Erlik Erjanuly/ - Keshe Óskemende voleıboldan erler komandalary arasynda Qazaqstan Kýbogynyń alǵashqy kezeńi bastaldy, dep habarlaıdy QazAqparat QR Voleıbol federatsııasyna silteme jasap.
Alǵashqy oıynda tarazdyq "TarGÝ" men temirtaýlyq "VSMK Arselor mıttal" qala attas "Semeı" men Óskemenniń "Shyǵys-QorǵanysQurylys 2" komandalaryna (0:3) oısyraı utyldy. Shymkenttik "ıÝKO" men almatylyq "QazUAÝ", petropavldyń "Esil" men pavlodardyń "Ertisine" 1:3 esebimen ese jiberdi. Al almatylyq "TsSKA" men petropavldyq "Esil-Vıktorııa" komandalary arasyndaǵy kezdesý alǵashqysynyń paıdasyna (3:1) sheshildi. Qyrkúıektiń 17-sine deıin sozylatyn bul saıysta úzdik shyqan 4 komanda endi qazannyń 13-20 kúnderi Hromtaý qalasynda ótetin Qazaqstan Kýbogynyń shırek fınaldyq oıyndaryna joldama alady. Ulttyq lıgada top jarǵan 4 komandamen ótken básekeden keıin 4 jeńimpaz odan keıin qazannyń 29-y men qarashanyń 1-i aralyǵynda Almatyda ótetin aqtyq synda kezdesip, Qazaqstan Kýbogynyń jeńimpazyn anyqtaıtyn bolady.
