Voleıboldan Qazaqstan Kýbogynyń alǵashqy kezeńinde upaı sany boıynsha 3 komanda úzeńgi qaǵysyp kele jatyr
ALMATY. Qyrkúıektiń 14-i. QazAqparat /Erlik Erjanuly/ - Voleıboldan Óskemen qalasynda erler komandalary arasynda ótip jatqan Qazaqstan Kýbogynyń alǵashqy kezeńi tartysty ótýde,
dep habarlaıdy QazAqparat QR Voleıbol federatsııasyna silteme jasap.
Alǵashqy 2 oıynda Almatynyń TsSKA, Semeıdiń "Semeı", Pavlodardyń "Ertis", Petropavldyń "Esil" komandalary alǵashqy 2 oıyndy óz paıdalaryna sheshti. Almatynyń "QazUAÝ", Tarazdyń "Taraz-TarGÝ", Temirtaýdyń "VSMK Arselor Mıttal", Shymkenttiń "ıÝKO", Petropavldyń "Esil-Vıktorııa" komandalary bolsa jeńilisten kóz ashpady. Al ázirge 1 ǵana oıyn ótkizgen Óskemenniń "Shyǵys-QorǵanysQurylys- 2" men Astananyń "Ushqyn" komandalarynyń qorjynynda bir-birden jeńis bar. Bul saıys qyrkúıektiń 17-sine deıin sozylmaq. Alǵashqy 2 kúnniń qorytyndysy boıynsha qazir barlyq qarsylastaryn 3:0 esebimen oısyrata utqan "Semeı", "Esil", "Ertis" komandalary birdeı upaıǵa ıe.
