Voleıboldan Qazaqstan erler quramasy Azııa chempıonatynyń fınalyna shyqty
ASTANA. QazAqparat - Indonezııada erler arasynda voleıboldan ótip jatqan Azııa chempıonatynda Qazaqstan quramasy fınalǵa joldama aldy, dep habarlaıdy «QazAqparat» tilshisi.
Qazaqstandyqtar Ońtústik Koreıa quramasynan 0:2 esebimen jeńilip jatyp, jigeri men sheberlikterin tanytyp, bes partııada (20:25, 15:25, 25:17, 25:23, 16:14) utyp ketti.
Qazaqstandyqtardyń fınaldaǵy qarsylasy Indonezııa men Japonııa quramasynyń biri bolmaq.
Aıta keteıik, buǵan deıin Qazaqstan quramasy 1993 jylǵy Azııa chempıonatynda fınalǵa deıin jetip, kúmis júldeger atanǵan bolatyn. Al jańa ǵasyrdaǵy úzdik kórsetkishi 2009 jylǵy birinshiliktegi besinshi oryn edi.
Qazaqstan voleıbol federatsııasynyń saıtynan alynǵan málimetke qaraǵanda, Igor Nıkolchenko bastaǵan mamandar jattyqtyratyn Qazaqstan quramasynyń sapynda Oral voleıbolynyń túlekteri, shabýylshy Vıtalıı Vorıvodın men lıbero Qaırat Baıbekov te oınaıdy. Oǵan qosa dál búgin V.Vorıvodın týra 27 jasqa toldy. Qazaqstan quramasy onyń týǵan kúnine osyndaı tamasha syı jasady.
