Voleıboldan Qazaqstan chempıony anyqtaldy
NUR-SULTAN. QazAqparat - Búgin Taraz qalasynda 7 mamyrda bastalǵan voleıboldan erler arasyndaǵy ulttyq lıganyń pleı-off kezeńi óz máresine jetip, alǵash ret «TNK Qazhrom» komandasy jeńimpaz atandy, dep habarlaıdy QazAqparat tilshisi.
QR Voleıbol federatsııasy habarlaǵandaı, osymen XXVII ret ótken chempıonat asa tartysty ótti. Birinshilik qorytyndysy boıynsha, Aqtóbe oblysy Hromtaý qalasynyń komandasy óz tarıhynda tuńǵysh ret el chempıonatynyń «altynyn» aldy.
Al ótken jyly chempıon atanǵan «Atyraý» voleıbol klýby bıyl kúmis júldeni qanaǵat tutty. Qola medal úshin ótken tartysty kezdesýde «Mańǵystaý» voleıbol klýby Soltústik Qazaqstannan kelgen «Esil» komandasynan aılasyn asyryp, el chempıonatynda jeńis tuǵyrynyń úshinshi satysynan kórindi.
