Voleıboldan Qazaqstan chempıonatynda «Atyraý» komandasy jeńimpaz atandy
NUR-SULTAN. QazAqparat – Búgin Tarazda erlerdiń Ulttyq lıga komandalary arasynda HHH Qazaqstan chempıonaty márege jetti, dep habarlaıdy QazAqparat tilshisi.
Bıyl altyn júldeni «Atyraý» men «Esil» (SQO) komandalary sarapqa saldy.
Vıktor Kozık jattyqtyratyn atyraýlyqtar keshe birinshi oıynda «Esildi» 3:1 esebimen tize búktirgen edi.
Búgin de «Atyraý» chempıonǵa tán oıyn órnegin kórsetip, qarsylasyn 25:17, 25:17, 25:21 esebimen (3:0) utty.
Osylaısha atyraýlyqtar chempıondyq tuǵyrǵa kóterilse, soltústikqazaqstandyqtar kúmis júldeni qanaǵat tutty.
Úshinshi oryn úshin básekede «Tarazdy» joldan taıdyrǵan ótken jylǵy el chempıony Almatynyń «Býrevestnıgi» qola júldeger atandy. Birinshilikte kósh bastaǵan tarazdyqtar sheshýshi oıyndarda bilgeninen jańylyp, júldesiz qaldy.
Eske sala keteıik, budan buryn voleıboldan el chempıony ataǵyna talasatyn komandalar anyqtalǵanyn jazǵan bolatynbyz.
