Voleıboldan Qazaqstan chempıonaty márege jetti
ASTANA. QazAqparat - Voleıboldan erler men áıelder arasynda el birinshiligi aıaqtaldy, dep habarlaıdy QazAqparat tilshisi.
QR Ulttyq olımpıada komıtetiniń baspasóz qyzmeti taratqan málimetterge súıensek, bıylǵy el birinshiliginde erler arasynda «Atyraý» komandasy chempıon atandy. Ekinshi orynǵa «Pavlodar» komandasy ıe bolsa, úzdik úshtikti «TNK Qazhrom» ujymy qanjyǵasyna baılady.
Áıelder arasynda «Altaı» klýby top jarsa, ekinshi orynǵa taldyqorǵandyq «Jetisý» komandasy ıe boldy. Al qola júldeni «Ertis-Qazhrom» komandasy jeńip aldy.
Sondaı-aq, erler arasyndaǵy joǵarǵy lıgada «Dınamo-Qazyǵurt» chempıon atandy. Kúmis medaldi «Aqtóbe» ıelense, «Qaısar» qola júldeni mise tutty.
Áıelder arasyndaǵy jarysta shymkenttik «Qazyǵurt» chempıon ataǵyna ıe boldy. Ekinshi oryndy «Taraz» alsa, elordalyq «Oqýshylar saraıy» komandasy úzdik úshtikti qorytyndylady.
