Voleıboldan Qazaqstan chempıonaty: fınalǵa shyqqan komandalar anyqtaldy
NUR-SULTAN. QazAqparat – Taldyqorǵan qalasynda voleıboldan Ulttyq lıganyń áıelder komandalary arasynda QR HHH chempıonatynyń pleı-off básekeleri nátıjesinde fınalǵa shyqqan komandalar anyqtaldy, dep habarlaıdy QazAqparat tilshisi.
Ótken jylǵy el chempıony Óskemenniń «Altaıy» «Almatyny» eki ret utyp, fınalǵa joldama aldy.
Ekinshi joldamany 2021 jylǵy kúmis júldeger «Jetisý» (Taldyqorǵan) men qola medal ıegeri «Qýanysh» (SQO) klýby sarapqa saldy. Bul báseke óte shıelenisti ótip, bir-bir jeńisten keıin úshinshi matchty ótkizýge týra keldi.
Sońǵy oıyndy serbııalyq maman Darko Dobreskov jattyqtyratyn «Qýanysh» komandasy qarqyndy bastap, birinshi partııada aıqyn basymdylyq kórsetti – 25:15. Áıtse de ekinshi partııada úsh setboldy paıdalana almaı, qarsylasyna jol berip qoıdy – 27:29. Úshinshi sette de soltústikqazaqstandyqtar óz múmkindikterin paıdalana almasa, Elena Pavlova baptaıtyn taldyqorǵandyqtar sheshýshi sátterdi múlt jibermedi – 26:24. Tórtinshi partııada olar «Qýanyshqa» des bergen joq – 25:20. Serııa qorytyndysy – 2:1.
Osylaısha bıyl da kútpegen nátıje bola qoıǵan joq.
«Jetisý» men «Altaı» altyn, «Qýanysh» pen «Almaty» qola júldeni sarapqa salatyn bolady.
Eske sala keteıik, budan buryn el chempıony «Altaıdyń» «Jetisý» komandasyn utqanyn jazǵan bolatynbyz.
