Voleıboldan Qazaqstan chempıonatynda «Jaıyq» ekinshi orynǵa kóterildi

Voleıboldan erlerdiń Ulttyq lıga komandalary arasynda HHHІІ Qazaqstan chempıonatynda Oraldyń «Jaıyǵy» ekinshi orynǵa kóterildi, dep habarlaıdy Kazinform. 

Oraldaǵy «Oral» sport kesheninde ótip jatqan úshinshi týr oıyndarynda Vıktor Kozık jattyqtyratyn batysqazaqstandyqtar «Ushqyn-Kókshetaý» komandasynan 3:0 (25:17, 25:23, 25:18) esebimen basym tústi.

Buǵan deıin ekinshi satyda kele jatqan «Taraz» tartysty matchta «Esilge» (SQO) ese jiberdi – 2:3 (25:27, 21:25, 25:23, 25:22, 11:15).

Osylaısha, «Jaıyq» pen «Taraz» 27 upaıdan jınap, dop aıyrmashylyǵy boıynsha oraldyqtar ekinshi satyǵa shyqty.

«Aqtóbeni» 3:0 (25:23, 25:22, 25:19) esebimen tize búktirgen «Pavlodar» 35 upaımen burynǵysha kósh bastap keledi.

«Býrevestnık» (Almaty) «Jetisý jastaryn» 3:0 (27:25, 25:23, 25:19) esebimen qapy qaldyrdy. 20 upaıy bar soltústikqazaqstandyqtar úzdik tórttikke kirse, almatylyqtar (16 upaı) besinshi orynda tur.

Úshinshi týr básekeleri odan ári jalǵasyp jatyr.

Eske sala keteıik, budan buryn Oralda voleıboldan erler arasynda Ulttyq oıyndary ótip jatqanyn jazǵan bolatynbyz.