Voleıboldan Qazaqstan chempıonatynda túrkistandyqtar «Qýanyshty» qapy qaldyrdy

ÓSKEMEN. KAZINFORM — Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonaty ekinshi týrynyń oıyndary aıaqtaldy.

Sońǵy kúni favorıtterdiń bári de jeńiske jetti.

Serbııalyq Marko Grshıch jattyqtyratyn «Jetisý» (Taldyqorǵan) «Aqtóbeni» 3:0 (25:18, 25:22, 25:9) esebimen ońaı utyp, týrnır kestesinde 38 upaımen kósh bastady.

Alań ıeleri «Berel» (bas bapkeri Rıshat Gılıazýtdınov) komandasy «Ertisti» 3:0 (25:23, 25:17, 25:19) esebimen qapy qaldyryp, upaı sanyn 36-ǵa jetkizdi.

Nurlan Sadyqov baptaıtyn «Qaraǵandy» Oraldyń «Gratsııa KZ» klýbyn 3:0 (25:19, 25:16, 25:16) esebimen jeńip, 33 upaımen úshinshi orynǵa kóterildi.

Al tartysty matchta el chempıony «Turanǵa» 2:3 (25:16, 25:15, 22:25, 11:25, 9:15) esebimen jol bergen «Qýanysh» (SQO) tórtinshi satyǵa yǵysty.

Osylaısha, túrkistandyqtar jańa maýsymda moıny ozyq komandalarmen taıtalasa alatynyn dáleldep, qorjynyndaǵy 25 upaımen besinshi orynǵa jaıǵasty.

Almatylyqtar kambek jasap, «Arý-Astanany» 3:2 (24:26, 26:28, 25:14, 25:20, 15:12) esebimen tize búktirdi.

«Almaty» men «Aqtóbe» 15 upaımen 6-7-oryndardy bólisýde.

Ekinshi týr qorytyndysy boıynsha ár komandadan úzdikter anyqtaldy.

«Aqtóbe» - Naılıa Nıgmatýlına;

«Jetisý» - Valerııa Chýmak;

«Almaty» - Dılıara Amangeldi;

«Arý-Astana» - Sánııa Balaǵazınova;

«Qaraǵandy» - Natalıa Hazova;

«Gratsııa KZ» - Elına Nadyrshına;

«Turan» - Bota Ýataeva;

«Qýanysh» - Anastasııa Kýdrıashova;

«Ertis» - Darıa Inına;

«Berel» - Tomırıs Saǵymbaeva.

Osymen, bıylǵy oıyndar óz máresine jetip, úshinshi týr básekeleri jańa jylda bolady.

Eske sala keteıik, budan buryn «Bereldiń» voleıboldan Qazaqstan chempıonatynda «Qýanyshty» utqanyn jazǵan bolatynbyz.