Voleıboldan Qazaqstan chempıonatynda «Taraz» komandasy fınalǵa shyqty
PAVLODAR. KAZINFORM — Pavlodar qalasynda voleıboldan erlerdiń Ulttyq lıga komandalary arasynda HHHІІ Qazaqstan chempıonatynda «Taraz» klýby fınalǵa shyqty.
Keshe Andreı Patrakovtyń shákirtteri bastapqy jartylaı fınaldyq kezdesýde ıÝrıı Labetskıı jattyqtyratyn «Atyraý» komandasyn 3:2 esebimen utqan edi.
Búgin ekinshi oıyn tarazdyqtarǵa áldeqaıda ońaıǵa tústi – 3:0 (25:19, 25:21, 25:20).
Osylaısha, eki jeńiske qol jetkizgen «Taraz» endi chempıondyq ataq úshin talasady.
Ekinshi úmitker ótken jylǵy el chempıony «Pavlodar» men «Esildiń» (SQO) bireýi bolmaq. Jeńilgeni atyraýlyqtarmen qola júlde úshin oınaıdy.
«Aqtóbeni» 3:2 (22:25, 25:19, 25:19, 24:26, 15:12) esebimen tize búktirgen «Jaıyq» (Oral) endi besinshi oryn úshin alańǵa shyǵady.
«Jetisý jastary» «Býrevestnıkti» (Almaty) 3:1 (25:14, 25:22, 22:25, 25:23) qapy qaldyrdy. Keshe almatylyqtar 3:2 esebimen basym túskendikten, bul básekede esep teń – 1:1. Sondyqtan qos klýb erteń qosymsha kezdesý ótkizedi.
Eske sala keteıik, budan buryn voleıboldan Qazaqstan chempıonatynda «Pavlodar» men «Tarazdyń» jartylaı fınalda jeńiske jetkenin jazǵan bolatynbyz.
