Voleıboldan Qazaqstan chempıonatynda Óskemenniń «Berel» komandasy kósh bastady
ASTANA. KAZINFORM — Voleıboldan áıelderdiń ulttyq lıga komandalary arasynda Qazaqstan chempıonaty úshinshi týrynyń oıyndary aıaqtaldy.
Buǵan deıin Qazaqstan chempıony, sýperkýbok ıegeri «Jetisý» komandasy Taldyqorǵanda kúmis júldeger «Qýanyshpen» (SQO) upaı bólisken edi.
Bıyl qola medal úshin básekede Túrkistannyń «Turanynan» utylyp, tórtinshi orynǵa taban tiregen Óskemenniń «Bereli» Aqtóbede jergilikti klýbpen qos match ótkizdi.
Túrkııalyq maman Halýk Korkmaz jattyqtyratyn óskemendik qyzdar 3:0 (25:22, 25:23, 25:21) jáne 3:0 (25:18, 25:15, 25:18) esebimen jeńiske jetti.
Osylaısha, «Berel» úsh týrdan keıin 18 upaı jınap, týrnır kestesinde jeke-dara kósh bastady.
«Qaraǵandy» Temirtaý qalasynda birinshi oıynda sensatsııa jasap, Qazaqstan kýbogynyń ıegeri «Turandy» 3:1 (25:17, 22:25, 25:20, 25:19) esebimen utty. Esesine ekinshi kezdesýde túrkistandyqtar qarymta qaıyrdy – 3:0 (25:18, 25:22, 25:19).
«Ertis» Pavlodarda áldeqaıda tájirıbeli «Býrevestnık» (Almaty) komandasynan 0:3 (20:25, 21:25, 26:28) jáne 1:3 (14:25, 25:20, 9:25, 22:25) esebimen jeńilip qaldy.
Endi 14-15 qarashada ortalyq eki match Taldyqorǵanda «Jetisý» men «Berel» arasynda ótedi.
Eske sala keteıik, budan buryn voleıboldan Qazaqstan chempıonatynda úsh birdeı komandanyń jeńilissiz kele jatqanyn jazǵan edik.
Sondaı-aq «Jetisý» Taldyqorǵanda «Qýanysh» komandasymen upaı bólisti.
