Voleıboldan Qazaqstan chempıonatynda «Qýanysh» «Turandy» utty

PETROPAVL. KAZINFORM – Petropavl qalasynda voleıboldan áıelderdiń Ulttyq lıga komandalary arasynda HHHІІ QR chempıonaty sońǵy, tórtinshi týrynyń oıyndary bastaldy.

Bastapqy kúni ortalyq kezdesý kósh bastap kele jatqan «Qýanysh» (SQO) pen úshinshi oryndaǵy «Turannyń» (Túrkistan) arasynda ótti.

Óte tartysty kezdesýde soltústikqazaqstandyqtar 3:2 (30:32, 25:20, 25:18, 22:25, 15:13) esebimen jeńiske jetti.

Sondaı-aq «Jetisý» «Almaty» komandasyn 3:0 (25:18, 25:22, 25:18) esebimen tize búktirdi.

«Qaraǵandy» «Ertisten» aılasyn asyrdy – 3:1 (25:17, 19:25, 25:16, 25:16).

Óskemenniń «Bereli» jerlesteri – «Altaıdy» ońaı jeńdi – 3:0 (25:11, 25:6, 25:16).

Týrnır kestesinde «Qýanysh» 49 upaımen alda tursa, «Berel» (46 upaı) ekinshi, «Turan» (44 upaı) úshinshi, «Jetisý» (43 upaı) tórtinshi orynda keledi.

Tórtinshi týr 27 aqpanda máresine jetip, pleı-off básekesine joldama alǵan 8 komanda anyqtalady.

Eske sala keteıik, budan buryn voleıboldan el chempıonatynda pleı-off básekesine shyqqan komandalar belgili bolǵanyn jazǵan edik.