Voleıboldan Qazaqstan chempıonatynda «Qýanysh» el chempıony «Turandy» utty

ÓSKEMEN. KAZINFORM – Óskemen qalasynda voleıboldan áıelderdiń ulttyq lıga komandalary arasynda XXXIII Qazaqstan chempıonatynyń birinshi týry aıasynda «Qýanysh» (SQO) pen «Turan» (Túrkistan) klýbtary ózara kezdesti.

Bıyl Túrkistanda naýryz aıynda ótken XXXII el birinshiliginiń jartylaı fınalynda «Turan» soltústikqazaqstandyqtardan basym túsip, keıin óz tarıhynda alǵash ret Qazaqstan chempıony atanǵan edi.

Asqar Shalqybekov jattyqtyratyn «Turan» quramynda da jańa maýsym qarsańynda oıynshylar aýysyp, birqatar ózgerister boldy. Atap aıtqanda, komanda kapıtany, Oral voleıbolynyń túlegi Sana Anarqulova Serbııaǵa ketti.

Bul joly «Qýanysh» (bas bapkeri Azamat Esimov) 3:0 (25:16, 25:19, 25:17) esebimen basym túsip, qarymta qaıyrǵandaı boldy. Biraq chempıonattyń bes týrdan turatynyn eskersek, júldeli oryndar úshin talasatyn kúnder áli alda. 

Búgin sondaı-aq Óskemenniń «Bereli» kósh sońyndaǵy Pavlodardyń «Ertisin» 3:0 (25:8, 25:14, 25:19) esebimen esh qıyndyqsyz jeńip, 14 upaımen týrnır kestesinde ekinshi orynǵa kóterildi. "Qýanysh" "Turandy" yǵystyryp, tórtinshi satyǵa ilikti, ekeýiniń qorjynynda da 9 upaıdan bar. 

Erteń «Ertis» - «Arý-Astana», «Gratsııa KZ» - «Almaty», «Jetisý» - «Qaraǵandy», «Qýanysh» - «Aqtóbe», «Berel» - «Turan» komandalary ózara synǵa túsedi.

Eske sala keteıik, budan buryn voleıboldan Qazaqstan chempıonatynda «Qaraǵandy» qatarynan besinshi jeńisine qol jetkizgenin jazǵan bolatynbyz.