Voleıboldan Qazaqstan chempıonatynda «Býrevestnık» komandasy kósh bastady
ASTANA. KAZINFORM — Voleıboldan erlerdiń ulttyq lıga komandalary arasynda Qazaqstan chempıonaty alǵashqy týrynyń oıyndary aıaqtaldy.
Almatyda «Býrevestnık» klýby atyraýlyqtardy qabyldap, eki kezdesýde de 3:1 (25:27, 25:14, 25:21, 25:15) jáne 3:0 (25:9, 25:20, 25:23) esebimen jeńiske jetti.
Osylaısha, almatylyqtar 6 upaımen týrnır kestesinde kósh bastady.
Qazaqstan chempıony «Jetisý» óz alańynda tartysty ótken birinshi oıynda kútpegen jerden «Oqjetpesten» (Aqmola) utylyp qaldy — 0:3 (23:25, 33:35, 26:28). Degenmen ekinshi matchta 3:1 (28:26, 31:29, 29:31, 25:16) esebimen ese qaıyrdy.
Sondaı-aq «Taraz» óz alańynda «Aqtóbemen» upaı bólisti. Bastapqydan tarazdyqtar 3:0 (27:25, 25:23, 25:20) esebimen basymdyq tanytsa, ekinshisinde aqtóbelikter aılasyn asyrdy — 3:0 (25:20, 25:18, 25:23).
Óskemende «Berel» klýby «Qýanyshty» (SQO) 3:2 (23:25, 25:23, 18:25, 32:30, 16:14) esebimen jeńip, ulttyq lıgadaǵy alǵashqy eki upaıyna qol jetkizdi. Biraq ekinshi básekede 1:3 (23:25, 22:25, 28:26, 19:25) esebimen qonaqtarǵa jol berdi.
Ekinshi týr oıyndary 22-23 qazan kúnderi ótedi. «Býrevestnık» Oraldyń «Jaıyǵyn» qabyldasa, «Taraz» klýby «Atyraýmen», «Jetisý» aqtóbeliktermen, «Berel» komandasy «Oqjetpespen» synǵa túsedi.
Eske sala keteıik, budan buryn voleıboldan Qazaqstan chempıonatynda bastapqy týrda kimder kezdesetinin jazǵan edik.
