Voleıboldan Qazaqstan chempıonatynda «Býrevestnık» klýby «Tarazdy» tize búktirdi
ASTANA. KAZINFORM — Voleıboldan erlerdiń ulttyq lıga komandalary arasynda Qazaqstan chempıonatynyń besinshi týrynda «Taraz» óz alańynda Almatynyń «Býrevestnıgin» qabyldady.
Asa tartysty ótken matchta almatylyqtar 3:2 (25:19, 22:25, 25:19, 24:26, 15:12) esebimen jeńiske jetti.
Qos komanda dúısenbi kúni ekinshi kezdesýin ótkizedi.
«Býrevestnık» týrnır kestesinde 22 upaımen burynǵysha birinshi orynda keledi.
Besinshi týrǵa qatyspaǵan «Oqjetpestiń» (Kókshetaý) 17 upaıy bar.
Óskemende «Bereldi» 3:1 (25:19, 19:25, 25:20, 25:14) jáne 3:0 (25:15, 25:23, 25:21) esebimen qapy qaldyrǵan «Atyraý» da upaı sanyn 17-ge jetkizdi.
Kúmis júldeger «Aqtóbe» Petropavlda jergilikti «Qýanyshpen» upaı bólisti – 2:3 (21:25, 25:18, 22:25, 25:23, 11:15) jáne 3:2 (22:25, 25:21, 25:22, 19:25, 16:14).
Qazaqstan chempıony «Jetisýdyń» Úndistannyń Bhýbaneshvar qalasynda CAVA Men’s Volleyball League 2026 týrnırine qatysýyna baılanysty Oraldyń «Jaıyǵymen» eki matchy 2027 jylǵy 11-12 naýryzǵa aýystyryldy.
Taldyqorǵandyqtar atalmysh jarysta toptyq básekelerde sátti óner kórsetkenimen, sheshýshi oıyndarda jeńilis tapty.
Marat Adryshevtiń shákirtteri jartylaı fınalda Úndistannyń «Bengalýrý Torpedos» komandasyna 1:3 (22:25, 23:25, 25:23, 14:25) esebimen ese jiberdi.
Búgin «Jetisý» qola júlde úshin oıynda taǵy bir jergilikti klýb "Telýgý Blek Hokstan" aılasyn asyra almady – 1:3 (23:25, 25:21, 17:25, 25:22).
Taldyqorǵandyq voleıbolshylar toptyq básekeler barysynda osy qos komandany da jeńgen edi.
Eske sala keteıik, budan buryn Úndistandaǵy týrnırde «Jetisý» voleıbol klýbynyń toptyq básekeni jeńispen túıindegenin jazǵan edik.