Voleıboldan Qazaqstan chempıonatynda «Aqtóbe» klýby fınalǵa shyqty

ORAL. KAZINFORM — Oral qalasyndaǵy «Jaıyq arena» sport kesheninde voleıboldan erlerdiń ulttyq lıga komandalary arasynda «Aqtóbe» men «Jetisý» ekinshi jartylaı fınaldyq kezdesýin ótkizdi. 

Osy maýsymda Qazaqstan kýbogy men sýperkýbokty utyp alǵan aqtóbelikter (bas bapkeri Sergeı Trıkoz) keshe taldyqorǵandyqtardy 3:0 esebimen jeńgen edi.

Búgin «Jetisý» matchty qarqyndy bastady — 25:21. Degenmen budan keıin «Aqtóbe» kambek jasaı bildi — 27:25, 25:15, 25:20. Qorytyndy esep — 3:1.

Búgin sondaı-aq pavlodarlyqtar «Esil» klýbyn 3:1 (25:17, 22:25, 25:18, 25:19) esebimen ekinshi ret tize búktirdi. 

Al, Almatynyń «Býrevestnıgi» ótken jylǵy el chempıony «Tarazdy» taǵy jeńdi. Bul joly 3:1 (25:16, 27:25, 17:25, 25:19) esebi tirkeldi.

Osylaısha, «Pavlodar» men «Býrevestnık» 5-oryn úshin talasatyn boldy.

Eske sala keteıik, budan buryn voleıboldan el chempıonatynda «Aqtóbe» komandasynyń jartylaı fınalda «Jetisýdy» jeńgenin jazǵan bolatynbyz.

Sondaı-aq «Jaıyq» komandasy kambekpen «Atyraýdan» basym tústi.