Voleıboldan Qazaqstan chempıonaty: «Jetisý» jartylaı fınalda «Turandy» tize búktirdi

ÓSKEMEN. KAZINFORM — Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonatynyń jartylaı fınalynda «Jetisý» men «Turan» alańǵa shyqty.

Ótken jyly júldeli oryndardan tys qalǵan taldyqorǵandyqtar osyǵan deıin chempıonatta qatarynan 16 matchta jeńiske jetken edi.

Bul joly birinshi partııa sońynda Asqar Shalqybekovtiń shákirtteri 22:20 esebimen alǵa shyqqanymen, sol múmkindikti paıdalana almady — 22:25. Budan keıin Marko Grshıch jattyqtyratyn «Jetisý» des bermedi — 25:15, 25:19. Qorytyndy esep — 3:0.

Erteń ekinshi básekede taldyqorǵandyqtar jeńse, fınalǵa joldama alady. Al ótken jylǵy el chempıony «Turan» ese qaıtarsa, sheshýshi, úshinshi match oınatylady.

Búgin 5-8 oryndar úshin asa tartysty oıynda «Qaraǵandy» klýby «Almatydan» aılasyn asyrdy — 3:2 (25:19, 18:25, 25:15, 23:25, 15:13).

Eske sala keteıik, budan buryn voleıboldan Qazaqstan chempıonatynda jartylaı fınalǵa shyqqan tórtinshi komanda anyqtalǵanyn jazǵan bolatynbyz.