Voleıboldan Qazaqstan chempıonaty: «Jetisý» men «Qýanysh» klýby altyn júldege talasady
ASTANA. KAZINFORM — Astana qalasyndaǵy «Barys arena» stadıonynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń pleı-off kezeńinde fınalǵa shyqqandar belgili boldy.
Aldymen ótken jylǵy el chempıony, sýperkýbok ıegeri «Jetisý» (Taldyqorǵan) men «Turan» (Túrkistan) komandalary ekinshi jartylaı fınaldyq kezdesýin ótkizdi.
Keshe taldyqorǵandyqtar 3:0 esebimen jeńgen edi. Bul joly da serbııalyq maman Marko Grshıchtiń shákirtteri des bermedi — 3:0 (25:16, 25:23, 25:19).
Al ekinshi fınaldyq joldamany «Qýanysh» (SQO) pen «Berel» (Óskemen) sarapqa saldy. Keshe asa tartysty ótken oıynda ıÝrıı Panchenko jattyqtyratyn soltústikqazaqstandyqtar jeńisti julyp alǵan edi — 3:2. Búgingi match «Qýanyshqa» ońaıyraq boldy — 3:0 (25:12, 25:20, 25:19).
Osylaısha, «Jetisý» men «Qýanysh» altyn júldeni sarapqa salady. Al «Berel» men «Turan» úshinshi oryn úshin talasatyn bolady.
Sondaı-aq 5-8 oryndar úshin tartysty básekede «Astana» klýby «Almatydan» basym tústi — 3:2 (19:25, 25:22, 22:25, 25:19, 15:12).
Qaraǵandylyqtar «Aqtóbeden» aılasyn asyrdy — 3:1 (25:19, 16:25, 29:27, 25:23).
Eske sala keteıik, budan buryn voleıboldan fınaldyq kezeńde «Qýanyshtyń sýper kambekpen «Bereldi» jeńgenin jazǵan bolatynbyz
