Voleıboldan Qazaqstan chempıonaty: «Jetisý» klýby «Pavlodardy» jeńdi

ORAL. KAZINFORM — Oral qalasynda voleıboldan erlerdiń ulttyq lıga komandalary arasynda pleı-off oıyny ótti. 

«Jaıyq arena» sport kesheninde «Jetisý» men «Pavlodar» eńm myqtyny anyqtady. 

Sergeı Grıbov jattyqtyratyn pavlodarlyqtar keshe «Tarazdy» 3:1 esebimen jeńgen bolatyn. Búgin «Jetisýdy» jeńgen jaǵdaıda «Pavlodar» jartylaı fınalǵa shyǵatyn edi.

Birinshi partııada Maksım Mışenko dop bergen sátterde «Pavlodar» alǵa ketkenimen, sol basymdylyqty saqtap tura almady — 26:28. 

Qalǵan eki sette Marat Adryshevtiń shákirtteri esesin jibermedi — 25:20, 25:16. Qorytyndy esep — 3:0. 

Erteń «Tarazdan» aılasyn asyrsa, «Jetisý» jartylaı fınalǵa shyǵady. 

Eske sala keteıik, budan buryn «Pavlodar» klýby voleıboldan pleı-off kezeńin jeńispen bastaǵanyn jazǵan bolatynbyz.