Voleıboldan Qazaqstan chempıonaty: «Jetisý» klýby fınalǵa shyǵý úshin «Aqtóbemen» talasady

ORAL. KAZINFORM - Oral qalasyndaǵy «Jaıyq arena» sport kesheninde voleıboldan erlerdiń ulttyq lıga komandalary arasynda Qazaqstan chempıonatynyń pleı-off matchynda «Jetisý» men «Taraz» klýbtary synǵa tústi.

Marat Adryshev jattyqtyratyn taldyqorǵandyqtar osyǵan deıin ótken jylǵy kúmis júldeger «Pavlodardy» 3:0 esebimen utqan edi.

Bul joly 2024 jylǵy el chempıony «Tarazben» (bas bapkeri ıÝrıı Bashkatov) oıyn asa tartysty ótip, «Jetisýdyń» paıdasyna aıaqtaldy - 3:2 (25:21, 20:25, 20:25, 25:20, 15:10).

Osylaısha, ótken jylǵy jeńimpaz ben vıtse-chempıon bıyl júldeden tys qaldy.

«Jetisý» fınalǵa shyǵý úshin «Aqtóbemen» talasady.

Ekinshi jartylaı fınalda «Jaıyq» (Oral) pen «Atyraý» kezdesedi.

Eske sala keteıik, voleıboldan el chempıonatynda «Atyraýdyń» jartylaı fınalǵa joldama alǵanyn jazǵan bolatynbyz.