Voleıboldan Qazaqstan chempıonaty: «Jaıyq» kósh basyndaǵy «Tarazdy» utty

Tarazda voleıboldan erlerdiń Ulttyq lıga komandalary arasynda HHHІІ Qazaqstan chempıonaty ekinshi týrynyń oıyndary ótip jatyr, dep habarlaıdy Kazinform.

Búgin ortalyq matchta alań ıeleri «Taraz» ben Oraldyń «Jaıyǵy» alańǵa shyqty.
Osyǵan deıin ıÝrıı Bashkatov jattyqtyratyn tarazdyqtar kósh bastap kele jatsa, bıylǵy el chempıony «Pavlodar» ekinshi, «Jaıyq» úshinshi orynda edi. Sondyqtan bul kezdesý qos komanda úshin mańyzdy edi.

Birinshi partııada oraldyqtar oıyn tizginin qolǵa alyp, basymdylyqty saqtap qala aldy – 25:20. Vıktor Kozıktiń shákirtteri tartysty ekinshi setti de óz esepterine jazdy – 25:23.
Úshinshi partııa oraldyq Vladımır Prokofevtiń qos birdeı eısimen aıaqtaldy – 25:21.
Osylaısha, 3:0 esebimen jeńiske jetken «Jaıyq» 24 upaı jınap, alǵashqy qos klýbqa jaqyndaı tústi.

Búgin «Jetisý jastaryn» 3:1 esebimen tize búktirgen «Pavlodar» men «Tarazdyń» upaılary (26) teńesti. Degenmen «Tarazdyń» bir oıyny artyq. Erteń «Taraz» ben «Pavlodar» ózara synǵa túsip, kúshtini anyqtaıdy. «Jaıyq» «Aqtóbe» klýbymen sheberlik talastyrady. Aqtóbelikter búgin «Atyraýǵa» ese jiberdi – 1:3.

Eske sala keteıik, budan buryn «Jaıyq» voleıbol klýbynyń júldeli oryndar úshin talasa ala ma, sony jazǵan bolatynbyz.

Sondaı-aq Tarazda Ulttyq lıga oıyndary keıinge qaldy.