Voleıboldan Qazaqstan chempıonaty: «Jaıyq» klýby fınalǵa joldama aldy

ORAL. KAZINFORM — Oral qalasyndaǵy «Jaıyq arena» sport kesheninde voleıboldan erlerdiń ulttyq lıga komandalary arasynda Qazaqstan chempıonatynyń fınalyna shyqqan komandalar anyqtaldy. 

Ekinshi jartylaı fınalda «Jaıyq» pen «Atyraý» komandalary ózara kezdesti.

Keshe birinshi oıynda Vıktor Kozık jattyqtyratyn oraldyqtar 3:1 esebimen jeńgen bolatyn.

Búgin alań ıeleri birinshi partııada aıqyn basymdylyq tanytty — 25:19. Esesine ekinshi sette Islam Jumabekovtiń sáttirek oınady — 26:24. Degenmen budan keıin «Jaıyq» oıyn tizginin óz qolyna aldy — 25:23, 25:21. Qorytyndy esep — 3:1.

Osylaısha, «Jaıyq» pen «Aqtóbe» altyn medal úshin talasady.

«Atyraý» men «Jetisý» qola júlde úshin synǵa túsedi.

Eske sala keteıik, budan buryn voleıboldan Qazaqstan chempıonatynda «Aqtóbe» klýbynyń fınalǵa shyqqanyn jazǵan bolatynbyz.