Voleıboldan Qazaqstan chempıonaty: «Turan» «Qýanyshty» tize búktirdi

TÚRKІSTAN. KAZINFORM — Túrkistan qalasynda áıelderdiń Ulttyq lıga komandalary arasynda HHHІІ Qazaqstan chempıonatynyń jartylaı fınalynda alań ıeleri – «Turan» ekinshi oıynda «Qýanysh» (SQO) komandasynan basym tústi.

Ótken jylǵy kúmis júldeger – «Qýanysh» (bas bapkeri – Azamat Esimov) osyǵan deıin el birinshiliginde qatarynan on matchta jeńiske jetip, oǵan qosa pleı-off kezeńinde «Altaıdy» jáne jartylaı fınaldyń birinshi básekesinde «Turandy» utqan edi.

Bul joly Asqar Shalqybekov jattyqtyratyn túrkistandyq qyzdar 3:0 (25:19, 31:29, 25:22) esebimen «Qýanyshty» tize búktirdi.

Osylaısha, jartylaı fınalda esep teńesti – 1:1. Senbi kúni sheshýshi oıynda fınalǵa shyqqan komanda anyqtalady.

Eske sala keteıik, budan buryn voleıboldan el chempıonatynda «Jetisý» «Berelmen» matchta qarymta qaıyrǵanyn jazǵan bolatynbyz.