Voleıboldan Qazaqstan chempıonaty: «Pavlodar» men «Taraz» jartylaı fınalda jeńiske jetti

PAVLODAR. KAZINFORM — Pavlodar qalasynda voleıboldan erlerdiń Ulttyq lıga komandalary arasynda HHHІІ Qazaqstan chempıonatynda júldeli oryndar úshin báseke bastaldy.

Birinshi jartylaı fınalda «Taraz» ben «Atyraý» komandalary synǵa tústi.

Alǵashqy eki partııada atyraýlyqtar basymdylyq tanytty — 25:20, 28:26.

Budan keıin tarazdyqtar kambek jasaı bildi — 26:24, 25:19, 15:9. Jalpy esep — 3:2, «Tarazdyń» paıdasynda.

Ótken jylǵy el chempıony «Pavlodar» óz alańynda «Esildiń» (SQO) meselin qaıyrdy — 3:1 (28:30, 25:19, 25:18, 25:20).

Jartylaı fınalda eki jeńiske jetken komanda sońǵy básekege joldama alyp, chempıondyq ataq úshin talasady.

Qalǵan komandalar 5-8 oryndar úshin synǵa túsýde. Munda «Jaıyq» «Aqtóbeni» tize búktirdi — 3:1 (25:27, 25:22, 25:22, 25:14).

«Býrevestnık» tartysty matchta «Jetisý jastaryn» utty — 3:2 (25:17, 19:25, 18:25, 25:22, 15:13).

Eske sala keteıik, budan buryn «Pavlodar» men «Tarazdyń» júldeli oryndar úshin talasatynyn jazǵan bolatynbyz.